ಸಾಟಿಯಾರು

ಎಲ್ಲರಿಗೂ ಸಂಕ್ರಮಣದ ಹಾರ್ದಿಕ ಶುಭಾಶಯಗಳು.

2010-01-13T20:22:00.003-06:00

ಸಂಕ್ರಾಂತಿ ಎಲ್ಲರಿಗೂ ಸುಖ,ಸಂತೋಷ,ಸಮೃದ್ಧಿ ತರಲಿ.
ಜೊತೆಗೆ ನೆಮ್ಮದಿ ಸಹ ಇರಲಿ.

ತುಳಸೀ ಪೂಜೆ

2009-10-30T17:37:00.004-05:00

ಶ್ರೀ ತುಳಸೀ ಜಯ ತುಳಸೀ,

ಕಾಯೇ ನೀ ಅನವರತ, ಪರಿಪಾಲಿಸೇ

ನೀನಿರುವ ಅಂಗಳ,ಆ ಮನೆಗೆ ಮಂಗಳ

ಆನಂದದಿಂಗಳ ನಗೆಯ ಬೆಳದಿಂಗಳ

ನಿನ್ನಿಂದ ಇಹವು,ನಿನ್ನಿಂದ ಪರವು

ಸೌಭಾಗ್ಯವತಿಯರಿಗೆ ಪರಮ ಪಾವನವು

ನೀನಿಲ್ಲದ ಪೂಜೆಯು ಆ ಹರಿಗೆ ತ್ಯಾಜ್ಯವು

ನಿನ್ನ ಸ್ಪರ್ಶವಿಲ್ಲದೆ ನೈವೇದ್ಯವು ವ್ಯರ್ಥವು

ನೀನಿರುವ ತಾಣವೇ ಶ್ರೀ ಕೃಷ್ಣನ ವಾಸವು

ನಿನ್ನ ಆರಾಧನೆಯೇ ಜನ್ಮ ಪಾವನವು

ನಮ್ಮ ಹಬ್ಬ ಹೀಗಿತ್ತು.ನಿಮ್ಮ ಹಬ್ಬ ಹೇಗಿತ್ತು?

2009-10-22T14:57:00.002-05:00

ದೀಪ, ಪೂಜೆ,ಹೊಸ ಬಟ್ಟೆ,ರುಚಿ ರುಚಿ ಊಟ,,,, ಎಲ್ಲವುಗಳೊಂದಿಗೆ, ಫೋನಿನಲ್ಲಿ ಕೇಳಿಸಿದ,,,,
ಭಾರತದಲ್ಲಿ ಸಿಡಿಯುತ್ತಿದ್ದ ಪಟಾಕಿಗಳ ಸದ್ದು,,,, ಹೀಗಿತ್ತು ನಮ್ಮ ಮನೆಯಲ್ಲಿ ದೀಪಾವಳಿ ಹಬ್ಬ.

ಎಲ್ಲರಿಗೂ ದೀಪಾವಳಿ ಹಬ್ಬದ ಶುಭಾಷಯಗಳು.

2009-10-17T00:35:00.003-05:00

ಹೂವು ಬಳ್ಳಿಗೆ ದೀಪ
ಹಸಿರು ಬಯಲಿಗೆ ದೀಪ
ಹುಲಿಯ ಕಣ್ಣಿನ ದೀಪ ಕಾಡಿನಲ್ಲಿ
ಮುತ್ತುಕಡಲಿಗೆ ದೀಪ
ಹಕ್ಕಿ ಗಾಳಿಗೆ ದೀಪ
ಗ್ರಹ ತಾರೆಗಳ ದೀಪ ಬಾನಿನಲ್ಲಿ.

ಬಲ್ಮೆ ತೋಳಿಗೆ ದೀಪ
ದುಡಿಮೆ ಬೆವರಿನ ದೀಪ
ಸಹನೆ ಅನುಭವ ದೀಪ ಬದುಕಿನಲ್ಲಿ
ಮುನಿಸು ಒಲವಿಗೆ ದೀಪ
ಉಣಿಸು ಒಡಲಿಗೆ ದೀಪ
ಕರುಣೆ ನಂದಾದೀಪ ಲೋಕದಲ್ಲಿ.

ತೋರಣದ ತಳಿರಲ್ಲಿ
ಹೊಸಿಲ ಹಣತೆಗಳಲ್ಲಿ
ಬಾಣ ಬಿರುಸುಗಳಲ್ಲಿ ನಲಿವು ಮೂಡಿ
ಕತ್ತಲೆಯ ಪುಟಗಳಲಿ
ಬೆಳಕಿನ ಅಕ್ಷರಗಳಲಿ
ದೀಪಗಳ ಸಂದೇಶ ಥಳಥಳಿಸಲಿ.

ಬೆಳಕಿನ ಅಸ್ತಿತ್ವವನೆ
ಅಣಕಿಸುವ ಕತ್ತಲೆಗೆ
ತಕ್ಕ ಉತ್ತರವಿಲ್ಲಿ ಕೇಳಿಬರಲಿ
ದೀಪಾವಳಿಯ ಜ್ಯೋತಿ
ಅಭಯ ಹಸ್ತವನೆತ್ತಿ
ಎಲ್ಲರಿಗೆ ಎಲ್ಲಕ್ಕೆ ಶುಭ ಕೋರಲಿ.

ರಚನೆ:-ಕೆ.ಎಸ್.ನರಸಿಂಹಸ್ವಾಮಿ.

ಚಿರೋಟಿ ನಿನಗ್ಯಾರು ಸಾಟಿ?

2009-10-02T15:37:00.004-05:00

ಚಿರೋಟಿ,,,,,,, ನಿಮ್ಮಲ್ಲಿ ಯಾರಿಗೆ ತಿಳಿದಿಲ್ಲ? ಎಲ್ಲರಿಗೂ ತಿಳಿದಿರುವಂಥದ್ದೆ.ಅಲ್ಲವೇ?
ಆದ್ರೂ,,,,,,,,,,, ಉಪಯೋಗವಾಗಬಹುದೇನೋ ಅಂತ ಕೆಲವು ಸಲಹೆಗಳು.

1.ಚಿರೋಟಿ ಮಾಡುವಾಗ ಒಂದರ ಮೇಲೆ ಒಂದರಂತೆ ಮಧ್ಯೆ ಸಾಟಿ ಹಚ್ಚುತ್ತಾ,,,,7 ಎಲೆ (ಚಪಾತಿ ತರಹ ಉದ್ದಿ ಇಟ್ಟುಕೊಂಡಿದ್ದು) ಹಾಕಬೇಕು.ಕಾರಣ,,,, ಚಿರೋಟಿ ನೀವು ಏಳು ಎಲೆಹಾಕಿದ್ರೆ ಹೇಳಿದಹಾಗೆ ಕೇಳ್ತೀನಿ ಅನ್ನುತ್ತಂತೆ:-).

2.ನಂತರ ಸುರುಳಿಯಾಗಿ ಸುತ್ತಿ ಮುಕ್ಕಾಲು ಅಥವಾ ಒಂದುಇಂಚು ಗಾತ್ರ ಕತ್ತರಿಸಿ,,,,ನಾಜೂಕಾಗಿ ಒಂದೇ ನಿಟ್ಟಿನಲ್ಲಿ ಉದ್ದಬೇಕು. ಉದ್ದುವಾಗ(ಲಟ್ಟಿಸು) ಹಿಂದೆ ಮುಂದೆ ಉದ್ದಿದರೆ ಪದರಗಳೆಲ್ಲಾ ಬಿಟ್ಟುಕೊಳ್ಳುತ್ತವೆ.

3.ಪೂರಿ ಕರಿಯುವಾಗ ಜಾಲರಿಯಲ್ಲಿ ಸ್ವಲ್ಪ ಒತ್ತಿದರೆ,,,,,,ಹೇಗೆ ಪೂರಿ ಹೊಟ್ಟೆ ಉಬ್ಬುತ್ತದೋ ಹಾಗೇ, ಚಿರೋಟಿ ಕರಿಯುವಾಗಲೂ ಜಾಲರಿಯಲ್ಲಿ ಸ್ವಲ್ಪ ಒತ್ತಬೇಕು. ಇಲ್ಲಿ ಚಿರೋಟಿಯ ಹೊಟ್ಟೆ ಉಬ್ಬದೇ,,,,, ಪದರಗಳು ಚೆನ್ನಾಗಿ ಬರುತ್ತವೆ. ತಪ್ಪಿ ಜೋರಾಗಿ ಒತ್ತಿದರೇ,,,,,,, ಚಿರೋಟಿ ಹೋಗಿ ಮುಂಬರುವ ದೀಪಾವಳಿಗೆ ಬಿಚ್ಚಿಕೊಂಡ ಭೂಚಕ್ರ ತಯಾರಾಗುತ್ತದೆ.

4.ಖುಷಿಯಿಂದ ಚಿರೋಟಿ ಮಾಡುವಾಗ,,,,,,,, ಖುಷಿಗೆ ತಕ್ಕಷ್ಟು ಬೆಣ್ಣೆ ಹಾಕದೇ,,,,,,, ರುಚಿಗೆ ತಕ್ಕಷ್ಟು ಹಾಕಿದ್ರೆ ಒಳಿತು.

ಚಿರೋಟಿಗೆ ಸಕ್ಕರೆ ಮತ್ತು ಏಲಕ್ಕಿ ಪುಡಿ ಉದುರಿಸಿ ಮೆಲ್ಲುವಾಗ,,,,,,,ಜೊತೆಗೆ ಸ್ವಲ್ಪ ಕೋಡುಬಳೆ ಇದ್ದರೇ,,,,,
ಆ ರುಚಿಗೆ ಸಾಟಿಯಾರು?

ನವರಾತ್ರಿ

2009-09-27T23:55:00.002-05:00

ವಿಜಯದಶಮಿ ಹಬ್ಬದ ಶುಭಾಶಯಗಳು.

ನಾಗರಪಂಚಮಿ ಹಬ್ಬದ ಶುಭಾಶಯಗಳು.

2009-07-26T18:29:00.003-05:00

ಪಂಚಮಿ ಬಂದೈತೇ ಸನಿಹಾಕ,
ಅಣ್ಣ ಬರಲೇ ಇಲ್ಲ ಕರಿಯಾಕ.
ನಮ್ಮಣ್ಣ ಬರಲೇ ಇಲ್ಲ ಕರಿಯಾಕ.

ಹೋದಾ ವರುಷಾ ಪಂಚಮಿಗೆ ಹೋದಾಗ,
ಗೆಳತ್ಯಾರು ಕೂಡಿಕೊಂಡು ಜೋಕಾಲಿ ಆಡುವಾಗ.
ಅಣ್ಣ ಮನೀಯ ಮುಂದೆ ನನ್ನ ಕರಕೊಂಡೂ,
ಜೋಕಾಲಿ ತೂಗುತಾ ನಿಂತುಕೊಂಡಾ.

ಜಾನಪದ ಗೀತೆ.

ವರ್ಷ ತುಂಬಿದ ಹರ್ಷದಲ್ಲಿ "ಸಾಟಿಯಾರು".

2009-07-22T00:35:00.002-05:00

ಸರಿದುಹೋದ ದಿನಗಳಲ್ಲಿ 25 ನೇ ಪೋಸ್ಟ್ ತಲುಪಲಾಗದಿದ್ದರೂ,,,,,
365 ನೇ ದಿನವಂತೂ ತಲುಪಿದ್ದೇನೆ:-).
ಸಾಟಿಯಾರುಗೆ ಭೇಟಿಯಿತ್ತವರಿಗೆಲ್ಲಾ ನನ್ನ ಹೃತ್ಪೂರ್ವಕ ಧನ್ಯವಾದಗಳು.

ಗೋಲ್ಡನ್ ಗೇಟ್ ಬ್ರಿಡ್ಜ್.

2009-07-19T16:52:00.005-05:00

ಬಂಗಾರ ನೀರ ಕಡಲಾಚೆಗೀಚೆಗಿದು ನೀಲ ನೀರ ತೀರ,
ಮಿಂಚು ಬಳಗ ತೆರೆತೆರೆಗಳಾಗಿ ಅಲೆಯುವುದು ಪುಟ್ಟ ಪೂರ.
ಅದು ನಮ್ಮಊರು,ಇದು ನಿಮ್ಮಊರು ತಮ್ಮತಮ್ಮ ಊರು ಧೀರ,
ಅದರೊಳಗೆ ನಾವು ನಮ್ಮೊಳಗೆ ತಾವು ಅದು ಇಲ್ಲವಣ್ಣ ದೂರ.

ಕರೆ ಬಂದಿತಣ್ಣ,ತೆರೆ ಬಂದಿತಣ್ಣ,ನೆರೆ ಬಂದಿತಣ್ಣ ಬಳಿಗೆ,
ಹರಿತದಾ ಭಾವ,ಬೇರೆತದಾ ಜೀವ ಅದರೊಳಗೆ ಒಳಗೆ ಒಳಗೆ.
ಇದೆ ಸಮಯವಣ್ಣ,ಇದೆ ಸಮಯ ತಮ್ಮ,ನಮ್ಮಿಮ್ಮ ಆತ್ಮಗಳಿಗೆ,
ಅಂಬಿಗನು ಬಂದ,ನಂಬಿಗೆನು ಬಂದ ಬಂದದಾ ದಿವ್ಯ ಘಳಿಗೆ.

ಇದು ಉಪ್ಪುನೀರ ಕಡಲಲ್ಲೋ ನಮ್ಮ ಒಡಲಲ್ಲು ಇದರ ನೆಲೆಯು,
ಕಂಡವರಿಗಲ್ಲೋ ಕಂಡವರಿಗಷ್ಟೇ ತಿಳಿದದಾ ಇದರ ಬೆಲೆಯು.
ಸಿಕ್ಕಲ್ಲಿ ಅಲ್ಲಿ ಸಿಕ್ಕಲ್ಲಿ ಮಾತ್ರ ಒಡೆಯುವುದು ಇದರ ಸೆಲೆಯು,
ಕಣ್ಣರಳಿದಾಗ ಕಣ್ ಹೊರಳಿದಾಗ ಹೊಳೆಯುವುದು ಇದರ ಕಳೆಯು.

ಬಂದವರ ಬಳಿಗೆ ಬಂದದಾ ಮತ್ತು ನಿಂದವರ ನೆರೆಗು ಬಂದದೋ ಬಂದದಾ,
ನವ ಮನುವು ಬಂದ ಹೊಸದ್ವೀಪಗಳಿಗೆ ಹೊರಟಾನ ಬನ್ನಿ ಅಂದದೋ ಅಂದದಾ.

ರಚನೆ:- ದ.ರಾ.ಬೇಂದ್ರೆ.

ನಮ್ಮ ಪುಟಾಣಿಗೆ,,,,,

2009-06-22T00:50:00.001-05:00

ಶಿವಾನಿಗೆ 5 ನೆಯ ಹುಟ್ಟು ಹಬ್ಬಕ್ಕೆ ಶುಭಾಷಯಗಳು.

ಕವನ

2009-05-20T12:54:00.004-05:00

ಕೂಡಿ ಓದಿ, ಕೂಡಾದಿ ಕೂಡಿ,
ಅರಿಯೋಣ ಕೂಡಿ ಕೂಡಿ.
ಕೂಡಿ ತಿಂದು ಕೂಡುಂಡು ಕುಡಿದು,
ದುಡಿಯೋಣ ಕೂಡಿ ಕೂಡಿ.

ಕೂಡಿ ನಡೆದು, ಒಡಗೂಡಿ ಪಡೆದು,
ನುಡಿ ಹೇಳಿ ಕೇಳಿ ಕೂಡಿ.
ಕೂಡಿ ಬೆಳೆದು ಬೆಳಗೋಣ,
ದೇವರೊಳು ಕೂಡಿ ಕೂಡಿ.

ರಚನೆ:- ದ.ರಾ.ಬೇಂದ್ರೆ.

ಯುಗಾದಿಯ ಶುಭಾಶಯಗಳು.

2009-03-26T12:12:00.003-05:00

ಹೊಸವರುಷ ತರಲಿ ಎಲ್ಲರಿಗೂ ಹರುಷ.

ಎಲ್ಲಿಗೆ ನಾ ಹೋದರಲ್ಲಿಗೆ ಬರುವನು
ಅಮ್ಮಾ ಚಂದಿರ ನನ್ನವನು,
ನಿನ್ನವ ನಾನಾಗಿರುವುದರಿಂದ
ಅಮ್ಮಾ ಚಂದಿರ ನಿನ್ನವನು.

ಮೂಡಣದಿಸೆಯೊಳು ಗಿರಿಗಳನೇರುತ
ಓಡುತ ಬರುತಿರೆ ನನಗಾಗಿ,
ಮೂಡುವನೆಂಬರು ಜನರೆಲ್ಲಮ್ಮ
ಕೂಡಲು ಬರುತಿರೆ ಮೂರ್ತಿಯನು.

ನಮ್ಮನೆ ಅಂಗಳದಲ್ಲಾಡುತಿರೇ
ನೆತ್ತಿಯ ಮೇಲೆ ತೋರುವನು,
ಮಾವನಮನೆಯೊಳಗುಳಿಯಲು ಹೋದರೆ
ಅಲ್ಲಿಗು ಬರುವನು ಚಂದಿರನು.

ನೆರೆಮನೆ ಕಿಟ್ಟಿ ಕರೆದರೆ ಹೋಗನು
ಮುರ್ತಿಯನೆಂದು ಬಿಟ್ಟಿರನು.
ಎಲ್ಲಿಗೆ ನಾ ಹೋದರಲ್ಲಿಗೆ ಬರುವನು
ಅಮ್ಮಾ ಚಂದಿರ ನನ್ನವನು.

ರಚನೆ:-ಕುವೆಂಪು

ಮಹಾಶಿವರಾತ್ರಿ ಶುಭಾಶಯಗಳು.

2009-02-23T00:07:00.002-06:00

ಶಿವಶಿವ ಎಂದರೆ ಭಯವಿಲ್ಲ.
ನಾಮಕೆ ಸಾಟಿ ಬೇರಿಲ್ಲ,
ಶಿವ ನಾಮಕೆ ಸಾಟಿ ಬೇರಿಲ್ಲ.

ಶಿವರಾತ್ರಿಗೆ ಫಲಹಾರ.

2009-02-23T00:04:00.001-06:00

ನನ್ನೀ ಕಪ್ಪಿಗಾರು ಸಾಟಿ?

2009-02-10T10:04:00.003-06:00

ಕಾಗೆಯೊಂದಗುಳ ಕಂಡರೆ ಕರೆಯದೇ ತನ್ನಯ ಬಳಗವ?
ಕೋಳಿಯೊಂದು ಕುಟುಕ ಕಂಡರೆ ಕರೆಯದೇ ತನ್ನ ಕುಲವೆಲ್ಲವ?
ಶಿವಭಕ್ತನಾಗಿ ಭಕ್ತಿ ಪಕ್ಷವಿಲ್ಲದಿರೆ ಕಾಗೆ ಕೋಳಿಗಿಂತ,
ಕರಕಷ್ಟ ಕೂಡಲ ಸಂಗಮದೇವಾ.

ಮಕರ ಸಂಕ್ರಾಂತಿ.

2009-01-14T08:36:00.004-06:00

ಎಳ್ಳು ಬೆಲ್ಲ ಹಂಚಿ ತಿಂದು
ಒಳ್ಳೊಳ್ಳೆ ಮಾತಾಡೋಣ.
ಸಂಕ್ರಾಂತಿಯ ಶುಭಾಷಯಗಳು.

ಬಿಳಿಬಿಳಿ ಹಕ್ಕಿಗಳು

2009-01-05T10:19:00.004-06:00

ನಗುವಾಗ ನಕ್ಕು ಅಳುವಾಗ ಅತ್ತು ಮುಗಿದಿತ್ತು ಅರ್ಧದಾರಿ
ಹೂಬಳ್ಳಿಯಿಂದ ಹೆಮ್ಮರನ ಎಡೆಗೆ ಬಿಳಿಬಿಳಿಯ ಹಕ್ಕಿ ಹಾರಿ.

ನಸುನಕ್ಕು ನಾಚಿ ನೀ ಬಳಿಗೆ ಬಂದೆ ಕೆಂಪಾದ ಹೂಗಳಲ್ಲಿ
ಆ ಮೊದಲ ದಿನದ ಅದೇ ನಲಿವ ಕಂಡೆ ಹೂವೆದೆಯ ಹನಿಗಳಲ್ಲಿ,
ನಕ್ಷತ್ರಲೋಕ ತೆರೆದಿತ್ತು ಮೇಲೆ ಹೊಸ ಭಾವಗೀತೆಯಂತೆ
ಎದೆಯಾಳದಿಂದ ತುಳುಕಿತ್ತು ಜ್ವಾಲೆ ಭಾಂದಳದ ಮಿಂಚಿನಂತೆ.

ಮೈ ಮೈಗೆ ಸೋಂಕಿ ಆಗಿತ್ತು ಸಂಜೆ ಹುಣ್ಣಿಮೆಯ ತಂಪಿನಲ್ಲಿ
ನಾ ನಿನ್ನ ಕಂಡೆ ನಿನ್ನೊಲವ ಕಂಡೆ ಮಲ್ಲಿಗೆಯ ಕಂಪಿನಲ್ಲಿ,
ಓ ನನ್ನ ನಲ್ಲೆ ನಗುತಿರುವೆಯಲ್ಲೇ ನನ್ನೆದೆಯ ತುಂಬ ನೀನೆ
ಈ ಕತ್ತಲೊಳಗೆ ಹುಡುಕುವುದು ಬೇಡ ಇಲ್ಲಿಹುದು ನಿನ್ನ ವೀಣೆ.

ನೀ ನುಡಿಸಿ ತೆರೆದ ಹೊಂಗನಸಿನಲ್ಲಿ ನನಗಿರಲಿ ಒಂದು ತಾಣ
ನಾ ಬಡವನಹುದು ಈಗೇನ ಕೊಡಲಿ ಈ ಮುತ್ತು ನನ್ನ ಪ್ರಾಣ.

ರಚನೆ:- ಕೆ.ಎಸ್.ನರಸಿಂಹಸ್ವಾಮಿ.

ರಾಜ(ಮ) ಕಳೆ.

2008-12-16T08:23:00.002-06:00

ಏನೀ ಹಸನ್ಮುಖ
ಯಾವುದೀ ಗಾಂಭೀರ್ಯ.
ಏನೀ ಗತ್ತು
ಯಾವುದೀ ಗಮ್ಮತ್ತು.

ಕುವೆಂಪುರವರ ಮನೆ.

2008-11-26T09:58:00.000-06:00

ಕಣ್ಮನ ತಣಿಸುವಂತಿರುವ ಈ ಮನೆ,
ಕುವೆಂಪುರವರ ಕುಪ್ಪಳ್ಳಿಯಲ್ಲಿರುವ ಮನೆ.

ಕ್ಯಾಕ್ಟಸ್ (ಪಾಪಸು ಕಳ್ಳಿ) ಸುಂದರಿ.

2008-11-10T14:35:00.000-06:00

ಕಾಡು ಮಲ್ಲಿಗೆಯೊಂದು ಕಾಡಿನಲಿ ನರಳುತಿದೆ,
ಬಾಡಿ ಹೋಗುವ ಮುನ್ನ ಕೀ(ಕೇ)ಳುವವರಾರೆಂದು.

ಅರಳಿ ನಿಲ್ಲಿಸಿರೋ ದೇವ ನೆರಳಿನಲಿ ನಾನಿಲ್ಲ,
ಪಸರಿಸುವ ಪರಿಮಳವ ಅಘ್ರಾಣಿಸುವರಿಲ್ಲ.
ಏಕೆನಿತೋ ಕಾಡಿನಲಿ ಅರಳಿ ನಿಲ್ಲಿಸಿದೆ,
ಆವ ಪಾಪಕೆ ಎನ್ನ ಇಂತೇ ಎಸೆದೆ.

ಅಡಿಯ ಸೇರುವ ಭಾಗ್ಯ ಪಡೆದು ಬರಲಿಲ್ಲ,
ಮುಡಿಯ ಸೇರುವ ದಾರಿ ನಾ,,,ಕಾಣಲಿಲ್ಲ.
ಕನವರಿಸಿ ಕೇಳುತಿಹೆ ಕರುಣೆ ತೋರೆಂದು,
ಮುಡಿವ ಮಲ್ಲಿಗೆಯಾಗಿ ಬಾಳಬೇಕೆಂದು.

ಈ ಭಾವಗೀತೆ ರಚನೆ ಯಾರದ್ದೆಂದು ಗೊತ್ತಿದ್ದರೆ ದಯವಿಟ್ಟು ತಿಳಿಸಿ.

ಬೆಳಕಿನ ಹಬ್ಬದ ಹೋಳಿಗೆ (ಒಬ್ಬಟ್ಟು) ಕಣ್ಣಲ್ಲೇ ಸವಿಯಿರಿ.

2008-10-28T08:31:00.000-05:00

ಹಬ್ಬಕ್ಕೆ ಹೋಳಿಗೆ ಬಂದಿವೆ ನೋಡಿ,
ತುಪ್ಪ ಹಾಕಿ ಸವಿಯುವುದೊಂದೇ ಬಾಕಿ.
ನನ್ನ ರುಚಿಗಾರು ಸಾಟಿ? ಹೇಳಿಬಿಡಿ.

ದೀಪಾವಳಿ

2008-10-27T10:41:00.000-05:00

ದೀಪಾವಳಿಯ ಶುಭಾಷಯಗಳು

ಸೊಬಗಿನ ಬಣ್ಣ.

2008-10-22T14:48:00.000-05:00

ಕಾಡಲ್ಲಿದ್ದರೂ ನನ್ನೀಸೊಬಗಿಗೆ ಸಾಟಿಯಾರು?

ಒಗ್ಗಟ್ಟಿನಲ್ಲಿ ಬಲವಿದೆ.

2008-10-15T14:39:00.000-05:00

ಪ್ರತಿಬಿಂಬ

2008-09-10T14:59:00.000-05:00

ನನ್ನ ಹಾಲಿನಂತ ಬಿಳುಪಿಗೆ ಸಾಟಿಯಾರು?

ಬಾಗಿನ

2008-08-26T14:04:00.000-05:00

ಈಗ ಮುತ್ತೈದೆಯರಿಗಾಗಿ ನಾವು(ಬಾಗಿನ) ವಾರಾಂತ್ಯಕ್ಕೇ ಕಾಯಬೇಕಲ್ವಾ???????

ನಾಗರಪಂಚಮಿ

2008-08-06T14:41:00.000-05:00

ನಾಗರಪಂಚಮಿ ನೆನಪಿಗೆ ತರುವುದು ಹತ್ತು ಹಲವಾರು ಬಗೆಯ ಉಂಡಿಗಳು,ಜೋಕಾಲಿ,ಜೊತೆಗೆನಾಗಪ್ಪನ ಪೂಜೆ,, ಅಲ್ಲವೇ?

ಶ್ರೀ ಮಂಗಳಗೌರಿ ಪೂಜೆ.

2008-08-06T08:33:00.000-05:00

ಶ್ರಾವಣವೆಂದರೆ ನೆನಪಾಗುವುದೇ ಸಂಭ್ರಮದ ಮಂಗಳಗೌರಿ ವ್ರತ.

ಶ್ರಾವಣಮಾಸ

2008-08-04T14:50:00.000-05:00

ಶ್ರಾವಣವನ್ನು ಸ್ವಾಗತಿಸುತಿರುವ ಅಂಗಳದಾ ರಂಗವಲ್ಲಿ.

ಜೋಗದ ಜಲಪಾತ

2008-07-28T12:35:00.000-05:00

ಜೋಗದ ಸಿರಿ ಬೆಳಕಿನಲ್ಲಿ,,,,,

ಆರತಿ ತಟ್ಟೆ.

2008-07-22T14:26:00.000-05:00

ದೀಪವು ನಿನ್ನದೇ, ಗಾಳಿಯು ನಿನ್ನದೇ, ಆರದಿರಲೀ ಬೆಳಕೂ,,,,,,